Ике яҡ араһында 2019 йылдағы 53-сө Халыҡ-ара балалар уйындарын ойоштороу һәм үткәреү буйынса килешеүгә ҡул ҡуйылды. Авиакомпания етәкселеге менән осрашыуҙа Республика башлығы белдереүенсә, "Өфө" аэропортынан халыҡ-ара, рәсәй, төбәк маршруттарының иҫәбен арттырыу ике яҡ өсөн дә мөһим.
Башҡортостан алыднда һауа линиялары менән ҡулланған пассажирҙар иҫәбен йылына 3 миллионға еткереү бурысы тора. Беҙ сығымдарҙың бер өлөшөн үҙ өҫтөбөҙгә алырға, субсидия бүлергә риза,тине Рөстәм Хәмитов. Быйыл эске линиялар терминалын төҙөү башлана, ошо маҡсатта 2 миллиард һумдан ашыу аҡса йүнәлтеү ҡаралған. Республика Башлығы Европаға һәм Көнсығышҡа рейстар асырға тәҡдим итте, әле беҙҙең эшҡыуарҙар самолеттан-самолетҡа күсеп йөрөргә мәжбүр, ә был бизнесты тотҡарлай. Алда тағы бер мөһим сара, халыҡ-ара балалар уйындары тора.
"Ютэйр" компанияһы Рәсәйҙәге ҙур һәм билдәле авиакомпанияларҙың береһе, ул Башҡортостанда үҙ эшмәкәрлеген күптән алып бара. Өфөлә компанияның иң ҙур ремонт базаһы урынлашҡан. Халыҡ-ара балалар уйындарына 35 сит илдән һәм Рәсәй төбәктәренән ҡунаҡтар килеүе көтөлә. Абруйлы сарала пассажирҙар ташыуҙы юғары кимәлдә ойоштороу бурысы тора. Сөнки һауа ҡапҡаһы буйынса тотош республика хаҡында фекер формалаша.
