Экологик форум сиктәрендә «Мисс Эко Башҡортостан-2018» конкурсы еңеүсеһен билдәләнеләр. Сарала тәүге тапҡыр ҡатнашҡан Ғәзизә Атанова лайыҡлы титулға эйә булды.
Еңеүсенең кейеме фольганан һәм гәзит биттәренән тегелә. Киләһе йылда ҡыҙ «Мисс Эко Интернешнл-2019» конкурсында республика намыҫын яҡлаясаҡ.
Уҡыуҙан тыш, Ғәзизә ирекмәндәр эшмәкәрлеге менән шөғөлләнә. Шулай уҡ, экологик өмөләрҙә һәм акцияларҙа ҡатнаша. Ғәзизәне еңеүе менән ҡотлайбыҙ һәм уңыштар теләп ҡалабыҙ!
