Учалы тау-байыҡтырыу комбинатының Тимер юл цехына яңы тепловоз ҡайтарылды

Техника Шадринск автоагрегат заводында эшләнгән. Яңы локомотивтың өҫтөнлөктәре күп. Эш урынының уңайлығы, юғары тартыу көсө һәм сағыштырмаса аҙ май ҡулланыуы төп сифаттары. Тепловоз руда биреү һәм баҡыр һәм цинк концентраты тейәү өсөн файҙаланыла.

Яңы машина беҙгә килешеү буйынса килде. 2014 йылдан алып был 5-се машина. Лоркомотив ошо көндәрҙә эксплуатацияға тапшырыла.

Руслан Сафин, тимер юл цехы етәксеһе

Тимер юл цехы машинистары яңы тепловоздан ҡәнәғәт. Иркен кабина, сенсорлы идара итеү панеле, түбән тауышлы дизель двигателе. Былар барыһы ла локомотив бригадаһы эшен еңеләйтә.

Яңы машинаға ултырыу һәр ваҡыт шатлыҡлы хәл. Был камиллашҡан техника айырыуса йәштәргә оҡшар, тип уйлайым. Сенсор панеле етешһеҙлектәрҙе лә шунда уҡ асыҡларға ярҙам итә.

Александр Горбатов, тепловоз машинисы

Автор: Гөлдәриә Йосопова.