Бер йыл элек Өфөлә "Рәсәй - минең тарихым" мультимедиялы парк эшләй башланы

Ошо ваҡыт эсендә күләмле тарихи музей йөҙ меңдән ашыу кешене ҡабул иткән. Килгән халыҡтың 70 процент самаһы мәктәп йәшендәге балалар. Айырыуса парк сығарылыш синыф уҡыусыларында ҙур ҡыҙыҡһыныу тыуҙырған. Сөнки Берҙәм дәүләт имтиханына әҙерләнгән йәштәр экспозициялағы материалдар аша тарих буйынса белемдәрен нығытҡан.

Бөгөн байрам уңайынан мультимедиалы тарихи парк менән һәр кем бушлай таныша алды. Ошонда уҡ концерт номерҙары, Рәсәйҙең һәм Башҡортостан тарихына арналған төрлө викториналар ойошторолдо. Еңеүселәргә иҫтәлекле бүләктәр тапшырылды.

Халыҡ өсөн иң мөһим бүләгебеҙ – паркка бушлай инеү мөмкинлеген бирҙек. Халыҡ бик ҡәнәғәт, шул уҡ ваҡытта концерт программаһы ла бара. Килгән ҡунаҡтар өсөн приздар ҙа әҙерләнек.

Әлфирә Әсәҙуллина, "Рәсәй - минең тарихым" мультимедиялы парк хеҙмәткәре

Автор: Илдар Байбулатов.