Стәрлетамаҡ технопаркында йәйге смена эшләй

Башҡорт дәүләт университетының Стәрлетамаҡ филиалы базаһында эшләүсе технопаркта йәйге смена бара. 10 йәштән 14 йәшкәсә ҡырҡтан ашыу уҡыусы робот техникаһы серҙәренә төшөнә. Үҙәктә шөғөлләнеүселәр шулай уҡ Ҡазанда үтәсәк Бөтә Рәсәй олимпиадаһына әҙерләнә.

Улар бирелгән эш буйынса программаны үҙләштерә. Ҡаршылыҡтарҙы үтеп робот бәләгә тарыған кешене ҡотҡарырға тейеш. Йәйге смена июнь аҙағынаса дауам итә һәм ул төрлө һөнәрҙәр өйрәнеүгә ҡайтып ҡала. Мәҫәлән 11 йәшлек Камил Мостафин урамдарҙы йыйыштырыусы робот эшләгән. Ул мобиль ҡушымта ярҙамында идара ителә. Робот программаһында һалынған йүнәлеш буйынса йөрөй, сүп-сарҙы йыя.

Һөнәрҙәр фестивале сменаһында беҙ уҡыусыларҙы төрлө һөнәрҙәр менән таныштырабыҙ. Инженер-конструктор, программист, шулай уҡ гуманитар йүнәлештәге профессиялар ҙа программала бар.

Вера Анохина, технопарк етәксеһе

Автор: Рәмилә Исмәғилева.