Башҡалала Дан бульвары һәм Калинин урамында А. Невский урамынан алып Тыныслыҡ урамына тиклемге өлөшөндә транспорттарға хәрәкәт итеү сикләнәсәк. Был юлдарға асфальт һалыныуға бәйле. Ремонт эштәре ағымдағы йылдың 20 октябренә тиклем дауам ителәсәк.
Асфальт һалыу осоронда юлдар тулыһынса ябыласаҡ, тип белдерә Өфө ҡала хакимиәте.
Шуға күрә, урында йәшәүселәрҙе үҙ маршруттарын алдан хәстәрләүе мөһим. Ҡала пассажирҙар ташыу транспорты графигының да үҙгәреүен ономағыҙ.
