Был турала бөгөн Республика онкология диспансерында үткән семинарҙа билдәләнде. Мәскәү белгестәре менән ойошторолған фекер алышыуҙа аяуһыҙ сирҙе дауалау алымдарын камиллаштырыу тураһында һүҙ барҙы.
Һуңғы йылдарҙа ашҡаҙан-эсәк тракты яман шеше менән яфаланыусылар һаны арта. Ғәҙәттә, ауырыу 3-сө 4-се стадияла асыҡлана. Пациент операция өҫтәленә эләкмәһен йәки әмәлиәтте еңелерәк үткәрһен өсөн иртә диагностикалау мөһим. Был йәһәттән табиптар диспансеризация үткәргәндә скрининг эшләтергә кәңәш итә.
