Баймаҡ районы Сыңғыҙ ауылында йәшәүсе Туйсиндар өсөн уҙып киткән ғәйет тағы лда бер иҫтәлекле ваҡиға менән хәтерҙә ҡалды. Байрам намаҙынан һуң ауыл йәштәре никахтарын теркәне.
Баймаҡ районы Сыңғыҙ ауылының “Әнүәр” мәсетендә лә байрам күркәм үтте. Ғәйет намаҙынан һуң мәсеттең имам-хатибы Әкрәм Туйсин Ураҙа ғибәҙәте тураһында хөтбә уҡыны, ифтарҙа байрамда ҡатнашыусы ауыл халҡы ҡорбан ашынан ауыҙ итте.
Ураҙа ғәйете Сыңғыҙ ауылы һылыуы Айгөл Боранғолова менән Йылайыр районы егете Юнир Байморатов өсөн икеләтә байрам булды - улар үҙҙәренең никахтарын теркәне.
Ғаиләләренең тәүге байрамын Ғәйет байрамынан башлаған йәштәргә имам-хатип никах таныҡлығын тапшырҙы, туғандары матур теләктәрен еткерҙе. Һәр кем изге көндә теркәлгән никах йәш ғаиәләгә бәхет, ырыҫ килтерһен тигән ышанысын белдерҙе.
