Башҡорт дәүләт университетының Стәрлетамаҡ филиалы археологтары һанлы технологиялар ярҙамында виртуаль музей яһауға ирешкән. Археологик ҡаҙыныуҙар ваҡытында төшөрөлгән фотолар фотогеометрия ысулы менән эшкәртелә. Уны археолог Игорь Денисов күбеһенсә үҙе башҡарған.
3 Д форматта килеп сыҡҡан материалдарҙы Интернет аша ҡарап буласаҡ. Төбәк археологтары эшмәкәрлегенә 40 йыл һәм улар был арауыҡта бик күп экспедициялар ойошторған, төрлө быуаттарға ҡараған боронғо ҡурғандарҙы асҡан. Юғары уҡыу йортонда экспонаттар менән танышырға мөмкин, ә 3 Д форматтағы археологик ҡомартҡыларҙы глобаль селтәрҙә һәр кем күрә ала.
