Бөгөн Рәсәй армияһына сираттағы эшелон оҙатылды. Егеттәр ҡоро ер ғәскәрҙәре һәм хәрби дингеҙ флотында хеҙмәт итәсәк. Республика хәрби саҡылыш пунктынан көн һайын тиерлек 100-150 кешелек төркөм ҡораллы көстәр сафын тулыландырып тора. Яҙғы саҡырылыш осоронда Башҡортостанда 5 мең самаһы егет Ватан һағына баҫырға тейеш.
Республика хәрби комиссариатынан белдереүҙәренсә, йылдан-йыл ҡораллы көстәр сафына алыныусылар һаны арта. Был күренеш тәү сиратта армияның контракт системаһы буйынса тулыланыу кимәле артыуға бәйле. 90-сы йылдарҙағы демография күрһәткестәренең түбәнәйеүе лә һаман да хәрби хеҙмәткә саҡылыш компанияһына йоғонто яһауы ла мәғлүм.
Ҡораллы көстәр сафына алыныусылар хәрби саҡырылыш пунктында уҡ барлыҡ кейем-һалым һәм хеҙмәт урынына барып етәрлек күләмдә ҡоро паек менән тәьмин ителә. Буласаҡ Ватан һаҡсылары частарына тиклем ғәҙәттә тимер юлы транспорты менән оҙатыла.
