Башҡортостандың хеҙмәт министрлығынан хәбәр итеүҙәренсә, торлаҡ-коммуналь хеҙмәте өсөн компенсация күләме индексацияланасаҡ. Әлеге ваҡытта компенсацияны 810 мең кеше ала. 2017 йылда был маҡсатта 7 млрд.һум аҡса бүленә.
Ағымдағы йылдың тәүге өс айында был сумма яҡынса 2 млрд. һум тәшкил итә. Май айы башына субсидиялар күләме 2 197,88 һумға етте. 1 июлдән, шулай уҡ, түләүҙәр күләме индексацияланасаҡ. Бөгөнгө көнгә етмеш йәштән олораҡ кешеләргә лә капиталь ремонтты түләү өсөн ай һайын түләнә торған аҡсалата компенсация, субсидия ҡаралған.
Башҡортостанда оло йәштәгеләр өсөн ташламаны 2020 йылға тиклем оҙайтасаҡтар. Ташламалар өсөн 55 млн. һум аҡса бүленеү күҙаллана. Әлеге ваҡытта ташламаға эйә категория граждандары яҡынса 11 500 кешене тәшкил итә.
Фото: Интернет.
