Әлбиттә, күпселек абитуриенттар документтарын Берҙәм дәүләт имтихандары тамамланғас килтерәсәк. Әммә бөгөндән үк мәктәп тамамлаусыларҙың ниндәй һөнәрҙәргә өҫтөнлөк биреүе билдәле. Тәүге һөҙөмтәләрҙән күренеүенсә, йәштәр киләсәктә перспективалы һөнәрҙәр һайларға тырыша. Уҡыу йорттарының студенттар ҡабул итеү ҡағиҙәләрендә быйыл әллә ни үҙгәрештәр юҡ.
Башҡорт дәүләт университетында студенттарҙы Европа илдәре һәм Америка Ҡушма Штаттарының алдынғы нефть компаниялары менән хеҙмәттәшлек килешеүҙәре менән йәлеп итһәләр, Башҡорт дәүләт медицина университетында бюджет урындары арттырыла. Мифтахетдин Аҡмулла исемендәге Башҡорт дәүләт педагогия университетында быйылдан онлай-магистратура асыла.
