Уны бөгөн ике исем тултырҙы. Кушнаренко районынан Петр Рассказов менән Саҡмағоштан Зиннәт Вәлиуллин, эҙәрмәндәр тарафынан табылып, тыуған төйәктәрендә ерләнде. Сара хәрби шарттарҙа үтте.
Улар эҙәрмәндәр отряды тарафынан Новгород өлкәһенең Рамушев ауылы эргәһендә табылған. Башҡортостанда әлеге ваҡытта Бөйөк Ватан һуғышы ҡатнашыусыларының биографияһы, уларҙың ҡайҙа һәм ҡасан ерләнеүе хаҡында һөйләгән проект тормошҡа ашырыла. Ул Хәтер китабының электрон варианты һанала. Бөгөн www.pomnimrb.ru (сайт) тағы ла ике кешенең исемен мәңгеләштерҙе.
