Футбол буйынса донъя чемпионаты дауам итә

Футбол буйынса донъя чемпионатының 1/8-се финалында Рәсәй йыйылма командаһы Испания менән осраша. Кисә Станислав Черчесов дружинаһы сығыш яһаған "А" төркөмөндә һуңғы өсөнсө уйындар үтте. Ватандаштарыбыҙ Һамар ҡалаһы стадионында Уругвай менән көс һынашты.

Әммә алдағы матчтарҙан айырмалы был юлы Рәсәй футболсылары үҙенең барлыҡ оҫталығын күрһәтә алманы. Һөҙөмтәлә улар Көньяҡ Америка дәүләтенән 0-3 иҫәбенә отолдо. Уңышһыҙлыҡҡа ҡарамаҫтан яҡташтарыбыҙ үҙ тарихында тәүге тапҡыр донъя чемпионатының плей-оффына сыҡты.

Рәсәй менән Испания араһындағы осрашыу 1июлдә киске сәғәт етелә Мәскәүҙең "Лужники" стадионында уҙа.