Башҡортостанда пенсионер ҡатын мутлашыусыны видеоға төшөрөп ала

Башҡортостанда йәшәүсе ҡатын, үҙен газ хеҙмәтенән тип белдергән, мутлашыусыны видеоға төшөрөп ала.

Видеонан күренеүенсә, йәш егет, фатирҙа газ сыҡҡан осраҡта сигнал биреүсе ҡоролманы арзан хаҡҡа– 5 990 һумға тәшкил итә. Кире осраҡта, уның һүҙҙәренсә, ҡатынды резервтан төшөрәсәктәр һәм уға магазиндан ҡоролманы һатып алырға һәм урынлаштырғаны өсөн, белгес хеҙмәтен түләргә кәрәк буласаҡ. Мутлашыусы ҡоролма янында фотоһүрәткә төшөргә саҡыра.

«Һеҙгә шылтыратып, минең эшемде тикшерәсәктәр. Һеҙ: эйе, ҡоролманы урынлаштырҙы, артыҡ аҡса алманы, тип яуапларһығыҙ», - тип белдерә мутлашыусы.

Видео һуңында, ҡатын, аҡса булмауға һылтанып, был хеҙмәттән баш тарта.

Газ сыҡҡан осраҡта сигнал биреүсе ҡоролма магазиндарҙа хаҡы бер мең һумдан алып дүрт мең һумға тиклем. РФ законы һәр фатирҙа был ҡоролманы урынлаштырыуҙы талап итмәй.Хаҡ булығыҙ!