Тәбиғәт ғәрәсәте Күгәрсен районы үҙәгендә теркәлгән. Ғәҙәттән тыш хәлдәр министрлығынан хәбәр итеүҙәренсә, 160 квадрат метр майҙанды биләгән беренсе подъезд өҫтөндәге ҡыйыҡ емерелгән. Бәхеткә күрә кешеләр араһында зыян күреүселәр юҡ.
Урындағы етәкселеккә халыҡты икенсе урынға күсерергә тура килмәгән. Әлеге ваҡытта авария-тергеҙеү эштәре алып барыла. Шулай уҡ көслө дауыл бөгөн республиканың башҡа төбәктәрендә күҙәтелгән.
Социаль селтәрҙәрҙә Ейәнсура һәм Ҡариҙел райондарында ла ел ҡотороуы тураһында хәбәр итәләр.
