Һыуҙа һаҡ булығыҙ!

Шаршамбы Өфөлә ҡотҡарыусылар һыу объекттарында дүрт кешенең, шул иҫәптән ике баланың ғүмерен һаҡлап алып ҡалды. Был турала баш ҡаланың Граждандарҙы яҡлау идаралығынан хәбәр итәләр.

27 йәшлек ир рөхсәт ителмәгән урында һыу ингән булһа, 13 йәшлек үҫмерҙең һыуҙа аяғын көҙән йыйырған. Өфө йылғаһында 9 йәшлек малай көслө ағымға эләккән, ә "Ҡояшлы" пляжында һыуҙан 17 йәшлек егетте сығарғандар.