Оло дала рухы – күсмә халыҡ ғәләме

Башҡортостан вәкилдәре Ҡаҙағстанда төрки халыҡтарҙың этно-мәҙәни фестивалдә ҡатнашты. Яҡташтарыбыҙ башҡорт атлыларын һынландырҙы.Фестивалдә барлығы 12 ил вәкиле ҡатнашты.

Төрлө оҫталар үҙ һөнәрҙәрен күрһәтте. Һунар ҡоштарын тәрбиәләүселәр, ат өйрәтеүселәр, кейеҙ баҫыусылар, тире эшкәртеүселәр, тимерселәрҙең эше баһаланды. Йылдағыса Оло дала рухы уҡсыларҙың мәргәнлеген һынау майҙанына ла әйләнде. Йәйәү, һыбай килеш атыу буйынса көс һынаштылар. Башҡортостандан Юлай Ғәлиуллин халыҡ-ара милли уҡ атыу ярышында 2-се урын яуланы.

Быйылғы фестивальда 12 дәүләттең вәкилдәре ҡатнаша. Шул иҫәптән, беҙҙе айырым Башҡорт дәүләте тип саҡырҙылар. Беҙ башҡорт атлы ғәскәрен һынландырабыҙ, сөнки беҙҙең атлылар даны донъяға киң таралған. Бындай саҡырыуҙарҙы ихлас ҡабул итеп, башҡа дәүләттәрҙә үткәрелгән фестивальдарҙа әүҙем ҡатнашырға тырышабыҙ.

Денис Өмөтбаев, фестивалдә ҡатнашыусы

Автор: Рафиҡ Әхмәтшин.