Асҡын районында күпләп балыҡ ҡырылған

Ғәҙәттән тыш хәл, төбәктең Төй йылғаһында теркәлгән. Урындағы халыҡ уны йылғаға зарарлы матдәләрҙең ағып төшөүенә бәйләй. Күпме балыҡ ҡырылыуы әлегә билдәһеҙ.

Осраҡ буйынса тикшереү башланған. Әлдегә билдәле мәғлүмәттәргә ярашлы, һыу бысраныуға Пермь крайынан Төйгә ҡушылған Ләүен йылғаһы сәбәпсе булыуы ихтимал.

Әлеге ваҡытта йылғала Башҡортостандың тәбиғәттән файҙаланыу һәм экология министрлығының хеҙмәткәрҙәре, хоҡуҡ һаҡлау органдары хеҙмәткәрҙәре эшләй, улар сәбәптәрҙе ошо көндәрҙә асыҡлаясаҡ. Үлгән балыҡ һәм йылғаның һыуы анализға алынды, һөҙөмтә дүшәмбегә әҙер була.

Лилиә Нуретдинова, Башҡортостандың тәбиғәттән файҙаланыу һәм экология министрлығының матбуғат хеҙмәткәре

Автор: Азат Ғәлиуллин.