Быға бәйле, ойошма хеҙмәткәрҙәрен йөрәк ритмы боҙолғанда электр импульс терапияһы булараҡ ҡулланылған прибор менән эшләргә өйрәткәндәр. Республика кардиология үҙәгендә улар киҫкен йөрәк-ҡан тамырҙары ауырыуҙары булған пассажирҙарға беренсе медицина ярҙамы күрһәтеү буйынса курстар үткән. Бөгөн аэропорттың тиҫтәнән ашыу белгесенә уҡыуҙы тамамлау хаҡында сертификаттар тапшырылды.
Быйыл апрелдә аэропорт биләмәһендә бер кешенең ғүмере өҙөлә. Тәүге медицина ярҙамы күрһәтеү буйынса курстар тап ошондай күңелһеҙ осраҡтарҙы булдырмау маҡсатында ойошторола.
Республика кардиология үҙәге белгестәре был уҡыуҙарҙы "Ашығыс ярҙам барыһына ла асыҡ" проектына ярашлы уҙғарған. Программа Рәсәй һаулыҡ һаҡлау министрлығы һәм Реанимация милли комитеты килешеүе буйынса тормошҡа ашырыла.
Билдәле булыуынса, илдә йыл һайын ярты миллион кеше ҡапыл һәләк була, төп сәбәп - стресс кисереү. Ауырыу үҙен насар тойоп йығыла, йөрәк ҡарынсыҡтары фибрилляцияһы күҙәтелә, әгәр уға биш минут эсендә медицина ярҙамы күрһәтелмәй икән - үлем хәүефе юғары.
(Ирина Николаева, Республика кардиология үҙәге баш табибы)Был уҡытыу программаһы киң популярлыҡ алһа, беҙ илдә меңдәрсә кешенең ғүмерен ҡотҡарасаҡбыҙ. Халыҡ күпләп йыйылған барлыҡ урындарҙа - аэропорт, тимер юл вокзалы, сауҙа нөктәләрендә автоматик дефибрилляторҙар булыуы мотлаҡ. Үҙ сиратыбыҙҙа ойошма хеҙмәткәрҙәренә белем бирергә һәр ваҡыт әҙербеҙ.
