Ошо осорҙа гәзит-журналдарға яҙылыусыларға ун процент ташлама ла ҡаралған. Тағы ла бер өҫтөнлөк - ваҡытлы матбуғат уҡыусыларға яҙылған көндән үк килә башлай. Ошоларҙы иҫәпкә алып, яҙылыу декадаһын ойоштороусылар бирелгән мөмкинлектән файҙаланып ҡалырға саҡыра.
"Республика Башҡортостан" нәшриәт йорто генераль директорының республика милли баҫмалары буйынса кәңәшсеһе Салауат Кәримов: “Республикала милли матбуғат матур ғына нәшер ителә. Айырыуса, биш берләштерелгән район-ара гәзит тураһында әйтергә теләйем: “Йәнтөйәк”, “Йәйғор”, “Ҡурай”, “Етегән”, “Сарманай”. Был гәзиттәрҙе алдырған район-ҡалала халҡына ашығығыҙ, тип өндәшәм. Бындай мөмкинлекте ҡулығыҙҙан ысҡындырмағыҙ.
