Июль яңылыҡтары

1 июлдән ауырлы ҡатын-ҡыҙҙар өсөн бушлай психолог консультация хеҙмәте эшләй. Тура бәйләнеш линияһы "Ҡатын-ҡыҙҙар йәшәү өсөн" халыҡ-ара фонды тарафынан ойошторола. Буласаҡ әсәләр йыш ҡына төплө кәңәш һәм рухи ярҙамға мохтаж. Шылтыратыуҙар 8 (800) 200-04-92 һандарына ҡабул ителә. Ҡатын-ҡыҙҙар өсөн шылтыратыуҙар бушлай

Шулай уҡ 1 июлдән күп функциялы үҙәктәр пособие юллау өсөн документтар ҡабул итә башланы. Республиканың халыҡҡа социаль ярҙам үҙәге ғаризалар ҡабул итеү буйынса вәкәләттәрен тулы күләмдә күп функциялы үҙәктәргә тапшыра. Былтыр был алым Бөрө районында һынау үтте. Социаль түләүҙәргә ғаризалар республикала хәҙер 45 урында ҡабул ителә

Бюджет өлкәһе һәм дәүләт хеҙмәткәрҙәре шулай уҡ студенттар эш хаҡы һөм стипендияларын "Мир" картаһы аша ғына аласаҡ. Илдә берҙәм түләү ситемаһы эш башлай. Үҙәк банк мәғлүмәттәре буйынса Рәсәйҙә әле 37 миллион "мир" картаһы сығарылған. Уның менән 95 процент бюджет хеҙмәткәре тәьмин ителгән. Башҡа төр карталарға айлыҡ түләүҙәрен алыусы хаҡлы ялдағыларҙы "Мир" иҫәпләшеү системаһына 2020 йылдың 1 июленән күсереү ҡарала.

1 июлдән республикала коммуналь түләүҙәргә хаҡ арта. Газ плитаһы урынлаштырылған йорттарҙа йәшәүсе ҡала кешеләре электр энергияһы өсөн 14 тингә артығыраҡ түләйәсәк. Сәғәтенә бер киловатт хаҡы - 3 һум 1 тин була, ә электр плитаһы ҡуйылған йорттарҙа түләүҙәр 2 һум 11 тин тәшкил итәсәк. Был хаҡтар электр энергияһы өсөн бер тарифлы иҫәп приборҙары буйынса иҫәпләшкән ҡулланыусыларға ҡағыла. Ауыл ерендәгеләр өсөн шулай уҡ киловатт сәғәте өсөн 2 һум 11 тин кимәлендә ҡаралған. Башҡортостан энергия һатыу компанияһынан белдереүҙәренсә, Башҡортостанда был өлкәлә тарифтар Волга буйы федераль округында иң түбәне.

"Яровая йыйынтығы" ғәмәлдә. 1 июлдән Рәсәй ҡануниәтендә террорға ҡаршы төҙәтмәләр көсөнә инде. Уларға ярашлы,