Благовар һәм Шишмә райондарында бөгөн юлға асфальт һалынды. Төҙөкләндереү эштәре төбәктең 168 саҡрымында башҡарыласаҡ. Эш барышы менән беҙҙең сайтта танышығыҙ.
Асфальт юл бар талаптарға ярашлы һалына. Биш сантиметрҙан кәм дә, артыҡ та булмаҫҡа тейеш. Яңы юлдың тигеҙлеге лә бик мөһим. Асфальт түшәү буйынса оператор эште компьютер ярҙамында күҙәтә. Шуға ла ниндәй ҙә булһа тайпылыш күҙәтелмәй.
Юл ҡатламы СПАС технологияһы буйынса төҙөкләндерелә. Эштәр М7 трассаһының 5, М5 юлының 7 участкаһында һәм Р240 юлында башҡарыла. Ремонт заман технологияһына ярашлы эшләнә. Быға бәйле, белгестәр юл халыҡҡа оҙағыраҡ хеҙмәт итер тип күҙҙаллай.
Төҙөкләндереү эштәрен сентябрҙә тамамлау бурысы ҡуйылған. Шуға тиклем ремонт барған участкаларҙа ваҡытлыса транспортҡа реверсив хәрәкәт индерелә. Белгестәр тиҙлекте арттырмаҫҡа кәңәш итә.
