Был процесс һөнәри белем биреү системаһын яҡшыртыу маҡсатында башҡарыла. Быға бәйле, бөгөн Башҡортостан социаль технологиялар институтында халыҡ-ара форум үтте. Италия, Мәскәүҙән килгән белгестәр Европа комиссияһы ҡарамағындағы Европа мәғариф фонды тарафынан тәҡдим ителгән проект менән таныштырҙы.
"Бергә эшләйбеҙ. Ғүмер буйы уҡыйбыҙ" лозунгы аҫтында барған Турин процесының маҡсаты ябай - һөнәри белем биреү өлкәһендә сәйәсәт булдырыу, төрлө илдәр тәжрибәһе буйынса мәғариф системаһын үҫтереү, эшсе һөнәрҙәрҙе популярлаштырыу. Билдәле булыуынса, әлеге проектҡа донъяның утыҙҙан ашыу иле ҡушылған.
