"Ҡашҡаҙан" паркында үткән сарала чемпионаттың тәүге туры һәм урам баскетболы буйынса беренселек уҙҙы. Мәртәбәле ярышта барлығы 70 команда көс һынашты. Ҡатнашыусылар күп булғас, ойоштороусыларға уйын ваҡытын 5 минутҡа ҡыҫҡартырға тура килде.
Чемпионаттың беренсе турында Бөрө ҡалаһы ҡыҙҙарына етеүсе булманы. Икенсе урынды Күмертауҙар алһа, Краснокама районы баскетболсылары өсөнсө урынға лайыҡ булды.
Ә бына ир-егеттәр араһында беренселекте Тәтешле районы уйынсылары яуланы. Икенсе урында Салауат ҡалаһы. Өсөнсөлә иһә Иглин баскетболсылары. Ярыштың икенсе туры 7 июлдә "Ҡашҡаҙан" паркы майҙанында үтәсәк.
