Рәсәйҙең Ғәҙәттән тыш хәлдәр министрлығы тарафынан уҙғарылған сарала Башҡортостан спортсыларынан тыш, Силәбе, Ҡурған, Төмән өлкәләре һәм Ханты-Манси автономиялы округы вәкилдәре ҡатнаша. Дүрт көн дауамында улар ҡаршылыҡ һыҙаттарын үтеп, төрлө эстафеталарҙа көс һынашасаҡ.
Бөгөн "штурмлы баҫҡысты" үтеү бәйгеһе ҡағиҙәһенә ярашлы, һәр кем 32 метр арауыҡты йүгереп килеп, уҡытыу башняһының икенсе ҡатына ҡыҫҡа ваҡыт эсендә менергә тейеш ине.
Янғын һүндереү һәм ҡотҡарыу спорты буйынса иң көслө тип танылыусылар Рәсәй чемпионатында ҡатнашасаҡ. Ярыш быйыл 27 июлдән 1 августҡа тиклем шулай уҡ Өфөлә үтә.
