Республиканың Краснокама районында 6 июлдең таңғы ваҡытында «Лада» автомобиле күлгә төшөп китә. Салонда өс кешенән торған ғаилә ултыра, шул иҫәптән йәш ярымлыҡ бала. Улар һыуҙан ҡотола алмай.
Билдәле булыуынса, 35 йәшлек ир һәм уның 33 йәшлек ҡатыны, уларҙың балалары төнгөлөк менән күл буйында ял иткән. Таңға табан, билдәһеҙ сәбәптәр буйынса, автомобиль һыуға төшөп китә. Ҡотҡарыусылар уларҙың кәүҙәләрен һыуҙан сығаралар. Әле ваҡиға урынында хоҡуҡ һаҡлау органдары эшләй. Фажиғә сәбәптәре асыҡлана.
Фото: life.ru
