Башҡортостанда өсөнсө тапҡыр “Мәргән уҡсы” халыҡ-ара уҡтан атыу фестивале үтте. Башҡорт рухын, боронғолоҡты һәм милли спортты тергеҙеүгә йүнәлтелгән бәйгегә Рәсәйҙән генә, түгел Европанан килеүсе ҡунаҡтар ҙа ҡатнашты. Иглин районынан хәбәрсебеҙ Флорида Ким.
Майҙанда милли кейемдә, боронғоса ҡоралланған яугирҙарҙың мәргәнлектә ярышыуы тарихи фильм төшөрөүҙе хәтерләтә. Быйыл «Мәргән уҡсы» халыҡ-ара фестивалендә Германия, Словакия, Белорусия, Ҡаҙағстан, Силәбе һәм Рәсәйҙең төрлө төбәктәрен килгән һикһәндән ашыу уҡсы ҡатнашты.
Башҡортостан уҡсылар командаһына илленән ашыу кеше инде. Ярыштың беренсе этабында улар араһынан ун ике иң мәргән уҡсы һайлап алынды. Улар Евразия кубогы өсөн ярышасаҡтар.”
Ҡатнашыусылар билдәләүенсә уҡ атыу - милли рухты камиллаштырыусы ата-бабаларҙан ҡалған ҡомартҡы. Халыҡ йолаларына булған һаҡсыл ҡараш шәхси яҡтан да уҫешергә ярҙам итә, тип билдәләй уҡсылар.
