Быйыл июндә Өфөлә волейбол буйынса "Милләттәр лигаһы" халыҡ-ара ярыштарының Рәсәй этабы үткәйне. Унда Сергей Шляпников тәрбиәләнеүселәре Ҡытай менән Иранды еңде, ә бына Бразилия волейболсыларынан еңелергә мәжбүр булды. Шулай булыуға ҡарамаҫтан ватандаштарыбыҙ донъяның иң көслө алты йыйылма командаһы араһына инде.
Туринирҙың финалын уҙған ял көндәрендә Францияның Лилль ҡалаһы ҡабул итте. Финалда Сергей Шляпников тәрбиәләнеүселәре майҙан хужалары менән осрашып, 3:0 иҫәбенә ҡыйратты. Милли командала Өфөнөң "Урал"клубы вәкилдәре Алексей Кабешов, Дмитрий Ковалев һәм Игорь Филиппов сығыш яһаны. Өсөнсө урынды Америка ҡушма штаттары вәкилдәре алды.
