Алтынсы быуатта Борай районында ҡурғандар табылған. Иҫегеҙгә төшөрәбеҙ, Кузеев исемендәге этнология тикшеренеүҙәре институтының Көньяҡ Урал археологик мираҫы бүлеге хеҙмәткәрҙәре проектты тормошҡа ашырыуға «Ватан тарихы» фондының ярты миллион һумлыҡ Грантын отто. Тәүге этапта проект авторҙары тарихҡа, археологияға арналған ҡыҙыҡлы лекциялар, семинарҙар ойошторһа, әлеге мәлдә Боҫтанай ауылы эргәһендә ҡаҙыу эштәре бара. Тулыраҡ киләһе яҙмала.
Археологик экспедиция барышында белгестәр ярайһы ғына табыштарға юлыға. Тимер киҫәктәре, көршәк ярсыҡтары, металдан эшләнгән биҙәүестәр - боронғо кеше һөйәктәре менән йәнәш ята. Тарихсылар фаразлауынса, Боҫтанай ауылында ҡәберлектәр ҡаҙыныу эштәрендә барышында табылған артефакттар беҙҙең эраның 6-сы быуатына ҡарай.
Боронғо кешеләрҙең һөйәктәрен, биҙәүестәрен ҡаҙығанда археологтар ерҙең беренсе ҡатламын алғас аяҡ кейемдәрен сисеп эш итә. Был ысул эҙ ҡалдырмаҫҡа булышлыҡ итә. Һуңынан табылған артефактар фотоға төшөрөлә.
Ирекмәндәргә археологик экспедицияларҙа ҡатнашыу ҙур яуаплылыҡ өҫтәй. Милли йәштәр театры актеры Салауат Юлдашбаев яңы миҙгел асылғанға тиклем, эҙләнеү эштәрендә ҡатнашып, тарих төпкөлөн барлай.
Быйыл ер аҫтында быуаттар буйы һаҡланған ҡомартҡыларҙы эҙләү маҡсатында Башҡортостанға Көньяҡ Уралдан да археологтар килде. Венгрия ғалимдары оҙаҡ йылдар дауамында башҡорт һәм венгрҙар араһында уртаҡ тамырҙарҙы эҙләй.
"Йәштәр ғилми мәктәбе" проекты сиктәрендә ойошторолған экспедицияла егерменән ашыу кеше ҡатнаша. Ике аҙна дауам итәсәк ҡаҙыныу эштәре йылдам бара. Ялан шарттарында эшләү һәм ғилми эҙләнеүҙәр үткәреү ирекмәндәрҙе сыҙамлыҡҡа һәм берҙәмлеккә һынай. Экспедиция барышында йәштәр палаткаларҙа йәшәй
Гөлназ Хәсәнова
