Бөгөн республикала боҙборсаҡ яуыуы көтөлә

Төбәктең Ғәҙәттән тыш хәлдәр буйынса министрлығы һауа торошоноң боҙолоуо хаҡында иҫкәртә. Шаршамбы, 11 июлдә, Башҡортостанда болотло һауа торошо, ҡыҫҡа ваҡытлы ямғыр яуыуы көтөлә.

Синоптиктар мәғлүмәттәре буйынса, республиканың айырым райондарында боҙборсаҡ яуыуы көтөлә. Ел көнбайыштан, көндөҙ елдең тиҙлеге секундына 17 метрға етәсәк. Температура + 28 градусҡаса етәсәк.