Асҡын районының Иҫке Ҡаҙансы ауылы уртаһында сквер барлыҡҡа килде. Майҙансыҡты ауыл халҡы урындағы башланғыстарға ярҙам итеү программаһы сиктәрендә төҙөткән. Проекттың хаҡы 1 миллион 3 йөҙ мең һум. Уның байтаҡ өлөшө халыҡ аҡсаһы.
Паркта ғашиҡтар өсөн ярашыу эскәмйәһе, ә уртала ауылдың географик урынлашыуын билдәләнгән Ер шары эшләнгән. Әйткәндәй, Ҡаҙансының киңлеге менән оҙонлоғо теүәл күрһәтелгән.
