Ҡарламан продукты менән Омск етештереүселәренең вәкиле "Ҡарламан" сауҙа йорто араһында дауам иткән дәғүәләшеүгә нөктә ҡуйылды. Суд ҡарары менән Ҡарламан ҡуйыртылған һөтөнөң этикеткаһы менән бары тик тауар билдәһе хужаһы, йәғни "Ҡарламан продукты" ғына ҡулланырға хоҡуҡлы. Башҡортостанда етештерелгән ҡуйыртылған һөттөң сифаты тотош илгә билдәле. Шуға ла уның этикеткаһына оҡшаш тауар билдәһе аҫтында Омск етештереүселәре ҡуйыртылған һөт етештерә башлағайны. Әлбиттә, уның сифаты күпкә ҡайтышыраҡ булып сыҡты. Был мутлашыу һөҙөмтәһендә тәү сиратта ябай һатып алыусылар зыян күрҙе.
