Учалыла үткән мотокросс буйынса Башҡортостан чемпионатының икенсе этабында Өфөләргә етеүсе булманы.
Ғабдрахман Ҡадиров исемендәге техник спорт төрҙәре үҙәгендә шөғөлләнеүселәр 313 мәрәй менән "Горняк" һәм "Добрынин" командаларын еңде. Ярышта төбәктең мотоуҙышсыларынан тыш, Силәбе һәм Свердловск өлкәләре вәкилдәре лә үҙ көсөн һынаны. Улар араһында йәш спортсылар күп булды. 95 ҡатнашыусының 53-ө үҫмерҙәр, иң йәшенә - 12 йәш.
Билдәле булыуынса, мотокросс буйынса төбәк чемпионаттың киләһе этаптары сентябрҙә Бөрө һәм Күмертау ҡалаларында үтәсәк.
