"Өфө" футбол клубы Австрияла яңы миҙгелгә әҙерләнеүен дауам итә. Йыйындар сиктәрендә Башҡортостан вәкилдәре кисә Истамбулдың "Башаҡшәһәр" командаһы менән иптәштәрсә осрашыу уҙғарҙы. Көсөргәнешле уйын төрөктәр файҙаһына 2:3 иҫәбе менән тамамланды. Яҡташтарыбыҙҙан туптарҙы Иван Пауревич менән Вячеслав Кротов индерҙе. Австриялағы һуңғы контроль осрашыуҙы Сергей Томаров тәрбиәләнеүселәре 20 июлдә Италияның "Удинезе" клубына ҡаршы үткәрә.
