Бөгөн, 30 июлдә, ҡот осҡос аварияла бер кешенең ғүмере өҙөлә. Ҡалған пассажирҙар Благовещенск ҡалаһының дауаханаһына оҙатыла.
Бөгөн иртәнсәк Өфө-Бөрө-Яңауыл юлының 66 саҡрымында Audi A6 менән Лада-Веста автомобилдәре бәрелешә. Ваҡиға урынына ҡотҡарыусылар, полиция һәм тиҙ ярҙам хеҙмәткәрҙәре килә. Яҡынса мәғлүмәттәр буйынса, юл-транспорт ваҡиғаһы һөҙөмтәһендә бер кеше һәләк була, ете кеше төрлө тән йәрәхәттәре ала.
Әлеге ваҡытта авария урынында ЮХХДИ хеҙмәткәрҙәре эшләй. Ваҡиға сәбәптәре асыҡлана.
