Бөгөн иртәнсәк, 29 августта, Антальяла Рәсәй туристарын алып китеп барған автобус йөк машинаһы менән бәрелешә. Һөҙөмтәлә, автобус һыу каналына төшөп китә.
Урындағы киң мәғлүмәт саралары хәбәр итеүенсә, юл-транспорт ваҡиғаһында 11 рәсәйле, шулай уҡ, водителдәр зыян күрә. Авария ваҡытында, автобуста Рәсәйҙән 25 кеше була. Улар барыһы ла Белек ҡалаһынан аэропортҡа юлланған була
Әлеге ваҡытта ваҡиға сәбәптәре асыҡлана. Зыян күреүселәр дауаханаға оҙатыла.
