Был турала бөгөн Радий Хәбиров "Башҡортостан-Татарстан" эшлекле форумында белдерҙе. Ике республика башлығы сара барышында "Торатау" Конгресс- холы алдында ойошторолған машина эшләүселәр предприятиелары продукцияһы менән танышты. Татарстан етәксеһе Рөстәм Миңлеханов нефть-газ-химия, машиналар эшләү, энергетика, төҙөлөш тармаҡтарында, агросәнәғәт комплексында, софиаль сферала, мәғариф һәм фән өлкәһендә хеҙмәттәшлекте үҫтереү йәһәтенән мөмкинлектәрҙең ҙур булыуын билдәләне.
Ҡазан вертолеттар заводы Кумертау авиация-етештереү предприятиеһы менән хеҙмәттәшлек итә. Уның директоры Юрий Пустовгаров әйтеүенсә, әлеге ваҡытта яңы төр вертолеттар буйынса һөйләшеүҙәр алып барыла. Ике предприятие ла бер-береһен тулыландыра.
"Башҡортостан-Татарстан" эшлекле форумы сиктәрендә төрлө тармаҡтар буйынса килешеүҙәр төҙөлдө. Был яҡшы күренеш- берҙәм эш алып барыу- ике яҡ өсөн дә отошло, ти Яр Саллы ҡалаһының "Ағиҙел" ойошмаһы рәйесе Мәүзир Ғиниәтуллин.
Артабан төрлө йүнәлеш буйынса түңәрәк өҫтәл ойошторола.
Фотоһүрәт : Башҡортостан Башлығы сайтынан алынды.
