Рәсүл Сәғитов:
– Йыл тамамланыуға табан барғанда уға ҡайһы бер йомғаҡтарҙы ла яһау дөрөҫ, тигән уйҙан сығып тонондоҡ бөгөнгө һөйләшеүгә һәм быға ҙур нигеҙ булып бик мөһим, оло, мәртәбәле документ – Башҡортостандың 2030 йылғаса социаль-иҡтисади үҫеше стратегияһы раҫланыуға ла йыл тулып килгәне торҙо. 2015 йылда яҙыла башлағайны ул, былтыр декабрҙә ҡабул ителде.
Инеш һүҙҙә телеграфса ғына бер нисә һанды атайыҡ та, әңгәмәгә күсербеҙ.
Шулай итеп, 2030 йылға республика, рәсми телдә әйтһәк, кеше потенциалы индексы һәм йән башына эске төбәк продукты үҫеше буйынса тәүге ун урынға тоҫмаллай, хеҙмәт етештереүсәнлеге яҡлап унынсы, инвестициялар йәһәтенән ун бишенсе булыу ниәте ҡуйылған. Ғүмер оҙонлоғо йүнәлешендә ошо яҡлап алдынғы 20 төбәк араһына инеү күҙ аллана – уртаса 76 йәш атала, ә стратегия яҙылғанда 71 йәш ине.
Ә студияла Башҡортостан Стратегик тикшеренеүҙәр институтынан иҡтисад фәндәре кандидаты Азамат Барлыбаев менән ғилми хеҙмәткәр Ғәзиз Йосоповты сәләмләйбеҙ.
