Тормош тип аталған диңгеҙҙең, уның айырым өлкәләренең һил сағы, дауыллы, тулҡынлы мәлдәре булып тора. Диңгеҙҙән алыҫ ятҡан Башҡортостан, диңгеҙ түгел, ә Иҙел, Инйәр, Еҙем, Һаҡмар буйҙарын төйәкләгән башҡорттоң да ошондай осорҙары осрай. Фәлсәфәнән бөгөнгә күскәндә, шуны әйтергә кәрәк – башҡорт халҡын берләштереүсе, уның мәнфәғәттәрен яҡлаусы булараҡ ойошторолған Ҡоролтайҙа ла байтаҡ һиллектән һуң яңылыҡтар бар - башҡарма комитет рәйесе алышты. Был вазифала хәҙер беҙ Данир Ғәйнуллинды күрәсәкбеҙ.
