Рәсәй хөкүмәтенең составы яңыртылды. 15-се ғинуарҙа президент Влаимир Путиндың Федераль Йыйылышҡа мөрәжәғәтнамәһенән һуң, Дмитрий Медведев кабинеты тулы составта отставкаға китте. Владимир Путин шул уҡ көндә премьер вазифаһына кандидат тәҡдим итте. Һөҙөмтәлә, хәҙер Рәсәй хөкүмәте рәйесе - Федераль һалым хеҙмәтен етәкләгән Михаил Мишустин. Яңы премьерға яңы хөкүмәтте формалаштырыуға бер аҙна етте. Хәйер, артыҡ һуҙырға ла ярамай ине, президент мөрәжәғәтнамәһен ғәмәлгә ашыра башларға ваҡыт. Шулай итеп, яңы состав иғлан ителде. Яңы кабинеттағы яңылыҡтар, иҫке һәм яңы министрҙар тураһында һөйләшәбеҙ бөгөн. “Асыҡ студия” эксперты – политолог Рәис Тайбугин.
