Мәғлүмәттәр барыһы ла эшкәртелгән. Бөгөн был турала Хөкүмәттә үткән оператив кәңәшмәлә Республика Башлығы Хакимиәтенең социаль коммуникациялар идаралығы етәксеһе Елена Прочаковская белдерҙе. Уның әйтеүенсә, һуңғы айҙарҙа һаулыҡ һаҡлау өлкәһенә ҡағылышлы ялыуҙар кәмей, торлаҡ-коммуналь хужалыҡ торошо буйынса һорауҙар арта.
Үткән йылдың мартында ил президенты Владимир Путиндың ҡушыуы буйынса, төбәктәр менән идара итеү үҙәктәре асыла башланы. Башҡортостанда бындай үҙәк 2019 йылдың ноябрендә булдырылды.
