Балалар баҡсаһына бәүелсәктәр һәм таусыҡ 90-сы йылдар башында ҡуйылған булған

Йылдар үткәс улар таушалып, хәүефлегә әйләнгән.

Заман менән бергә тормош та үҙгәрә. Шуға күрә яңы ҡоролмалар һатып алыу көн талабы. Ата-әсәләр ҙә балаларҙы яңы ҡаласыҡта уйнатырға теләй. Бәүелсәкте лә улар һораған.

Иҫке бәүелсәк менән таусыҡты былтыр ата-әсәләр фотоға төшөргән. Араларынан берәү уны социаль селтәргә һалған. Был хәлде Инцидент системаһы теркәгән.

Мөрәжәғәтте Дәүләт торлаҡ инспекцияһы, Торлаҡ-коммуналь хужалыҡ министрлығы, Мәләүез районы хакимиәтендәге коллегаларыбыҙ менән бергәләп ҡараныҡ. Эш барышында балалар майҙансығының хәүефһеҙлек талаптарына яуап бирмәүен, яңыртыу талап ителеүен асыҡланыҡ.

Таһир Шәрәфетдинов, Башҡортостан Башлығы ҡарамағындағы социаль селтәрҙәрҙә граждандар мөрәжәғәте буйынса эшсе төркөм хеҙмәткәре  

Мәләүез районы хакимиәте сығымдар бүлә. Васильевка ауылының мәктәпкәсә йәштәге учреждениеһы яңы балалар майҙансығына өсөн 150 мең һум аҡса ала.

Балалар ҡаласығын бөтә предприятиелар ҙа ҡуя алмай, лицензия кәрәк. Яуаплылығы сикләнгән "Балалар донъяһы" был талаптарға яуап бирә, шунлыҡтан эш уларға ышанып тапшырылды. Хәҙер балалар хәүефһеҙ шарттарҙа уйнай. Ҡала һәм район хакимәите исеменән уларға рәхмәт әйтәбеҙ.

Алик Һатлыҡов, Мәләүез районы хакимиәтенең мәғариф идаралығы етәксеһе

Балалар майҙансығын өлкән тәрбиәсе һайлай. Ҡаласыҡ сағыу, матур һәм хәүефһеҙ. Рәйлә Әхмәрова әйтеүенсә, ул объектты балаларға һөйөү менән һайлаған. Мәктәпкәсә учреждениела – төрлө йәштәге 10 тәрбиәләнеүсе иҫәпләнә.

Фото №1 - Балалар баҡсаһына бәүелсәктәр һәм таусыҡ 90-сы йылдар башында ҡуйылған булған
Акции БСТ
Рули трезво: как в Башкирии борются с пьяными водителями