ТУБЕРКУЛЕЗҒА ҠАРШЫ КӨРӘШ. ВСЕМИРНЫЙ ДЕНЬ БОРЬБЫ С ТУБЕРКУЛЕЗОМ.
Рәсәй һаулыҡ һаҡлау өлкәһен күҙәтеү буйынса Федераль хеҙмәттең Башҡортостан идаралығы мәғлүмәттәренә ҡарағанда, республикала 2022 йыл башынан туберкулез менән сирлеләр һаны 3 процентҡа артҡан. Был һандар нимә тураһында һөйләй? Ниндәй саралар күрелә? Әлеге мәлдә республикала үпкә туберкулезы менән ауырыусылар күпме? Коронавирус ауырыуының үпкә туберкулезына килтергән осраҡтар теркәлгәнме? Профилактик сараларҙың, диспансеризация үтеүҙең мөһимлеге хаҡында Рәсәйҙең һәм Башҡортостандың атҡаҙанған табибы, Башҡортостан Республикаһы һаулыҡ һаҡлау министрлығының штаттан тыш баш фтизиатры Миңленур Азаматова һөйләй.
