IT-тармағында эшләүсе белгестәргә ихтыяж йылдан-йыл арта. Мәғлүмәттәр буйынса, әле илгә 1 млн «һанлы» һөнәр эйәһе талап ителә. Уларға IT-компаниялар ғына түгел, һанлаштырыуға курс алған дәүләт ойошмалары ла ҡытлыҡ кисерә. Белгестәр ҡайҙа һәм нисек әҙерләнә? Рәсәй Хөкүмәте белгестәргә ярҙам саралары тураһында ҡарар ҡабул итте. Ә белгес әҙерләүсе юғары уҡыу йорттарына ярҙам бармы? Бюджет урындары арттырыламы?
Башҡорт дәүләт университетының Стәрлетамаҡ филиалы Математика һәм мәғлүмәт технологиялары факультеты деканы Руслан Кәримов менән әңгәмә ошо хаҡта.
