Журналистика ул аяғөҫтө яҙылған әҙәбиәт, тигән кемдер. Бындай ижад сифатлымы? Бөгөнгө юғары тиҙлек заманында сифат ни өсөн мөһим? Яңы шарттарҙа нимә мөһимерәк - яңылыҡты беренсе булып еткереү, әллә тикшерелгән дөрөҫ мәғлүмәт биреүме? Өфөлә үткән Медиайыйын-2022 форумында Башҡортостан журналистары һөнәр нескәлектәре тураһында фекер алышты. Милли журналистика яңы дәүергә ниндәй бурыстар менән инеүе тураһындағы фекерҙәре менән «Ағиҙел» журналының баш мөхәррире Мөнир Ҡунафин уртаҡлаша.
