Мәскәүҙә Рәсәй халыҡтарының хәҙерге әҙәбиәте антологияһының бишенсе китабы баҫылып сыҡты. Йыйынтыҡта нәфис публицистика өлгөләре тупланған, шул иҫәптән башҡорт әҙиптәренең дә публицистик әҫәрҙәре урын алған. Авторҙар ниндәй темаларға мөрәжәғәт итә? Заман тиҙлекте талап итә, социаль селтәрҙәр һәм ундағы ҡыҫҡа текстар иғтибар үҙәгендә. Бындай шарттарҙа публицистиканың яҙмышы ниндәй? Уҡыусыһы бармы? Һорауҙарға Башҡортостан яҙыусылар союзы рәйесе Зәки Әлибаев яуап бирә.
