Башҡортостанда 2023 йыл Атайсал өсөн изге ғәмәлдәр йылы тип иғлан ителде. Кесе Ватанға файҙа килтереү, ауыл тормошон популярлаштырыу, социаль объекттар төҙөүҙө маҡсат итеп ҡуйған йыл. Бөрйән районында халыҡтың йәшәү шарттарын яҡшыртыу маҡсатында уҙған йылда ниндәй эштәр башҡарылды? Урындағы башланғыстарҙы хуплау программаһында ҡатнашаһығыҙмы? Туризмды үҫтереүгә ниндәй аҙымдар яһалды? Районда йорттарға зәңгәр яғыулыҡ үткәреү нисек бара? Ошо хаҡта Бөрйән районы хакимиәте башлығы урынбаҫары Ғәлин Артур Азамат улы һөйләй.
