«Китап байрамы»нда Мөнир Ҡунафиндың китабының исем туйы үтте
24 майҙан Башҡортостандың баш ҡалаһы ысын мәғәнәһендә китап мәркәзенә әүерелде. Әҙәби саралар, билдәле яҙыусылар менән осрашыу, китап күргәҙмәләре - былар барыһы ла «Китап байрамы»нда. Әйткәндәй, сараға илебеҙҙең төрлө төбәгенән 200-ҙән ашыу нәшриәт йыйылған.
БСТ каналының күсмә студияһы «Китап байрамы» майҙансыҡтарында эшләй. Беҙҙең журналистарҙа ҡунаҡта - билдәле яҙыусы Мөнир Ҡунафин.
Хәҙерге заман әҙәбиәте. Махсус хәрби операция яугирҙарына һәм герой Фәнис Хөсәйеновҡа бағышланған китап. Ошо һәм башҡа темалар хаҡында беҙҙең әңгәмәлә.
