«Китап байрамы»нда Ғата Сөләймәнов ижадына арналған китап тәҡдим ителде
24 майҙан Башҡортостандың баш ҡалаһы ысын мәғәнәһендә китап мәркәзенә әүерелде. Әҙәби саралар, билдәле яҙыусылар менән осрашыу, китап күргәҙмәләре - былар барыһы ла «Китап байрамы»нда. Әйткәндәй, сараға илебеҙҙең төрлө төбәгенән 200-ҙән ашыу нәшриәт йыйылған.
БСТ каналының күсмә студияһы «Китап байрамы» майҙансыҡтарында эшләй. Беҙҙең журналистарҙа ҡунаҡта - Республика халыҡ ижады үҙәге етәксеһе Салауат Кирәев һәм Салауат башҡорт драма театры директоры Айбулат Ҡотошов.
